اسلام آباد (این این آئی)تمام مجالس اور جلوس کورونا ایس او پیز کے تحت منعقد کیئے جائیں گے، محرم الحرام کے لیے این سی او سی کی طرف سے خصوصی ہدایات جاری کر دی گئی ۔
منگل کو یہ ہدایات متعلقہ علماء کی سفارشات کو مدِّ نظر رکھ کر جاری کی گئیں۔ این سی اوسی کے مطابق تمام مجالس اور جلوس کورونا ایس او پیز کے تحت منعقد کیئے جائیں گے،مجالس اور جلوسوں کے دوران ماسک کا استعمال، سماجی فاصلہ، تھرمل سکریننگ یقینی بنائی جائے گی، گھروں میں نجی مجالس سے اجتناب کیا جائیگا،
مجالس اور جلوسوں کے مقامات پر ھینڈ سیناٹئزرز اور ماسک مہیا کیئے جائینگے۔ این سی او سی کے مطابق مجالس ہوادار اور کْھلے کمروں میں منعقد کی جا ئینگی، ایس او پیز پر عملدرآمد کے لیے انتظامیہ رضاکاروں کی خدمات بھی حاصل کر سکے گی، مجالس اور جلوسوں کے دوران کورونا ایس او پیزکو نمایاں آویزاں کیا جائیگا۔
